Zanfina Ismajli me një histori të re dashurie

[N!ghtWarrior]

Ia vlen të mburret për linjat e mrekullueshme
që ka dhe jo vetëm me kaq, pasi
Zanfina tashmë është bërë e njohur dhe e
dashur nga të gjithë, duke nisur sërish të
bëjë boom-in e radhës. Këngët e fundit të
punuara mjeshtërisht, e kanë kthyer sërish
sugareshën e familjes Ismaili, në
qendër të vëmendjes. Ajo po mban shumë
mbrëmje jashtë vendit duke u cilësuar tashmë
jo si një vajzë e ndrojtur e cila përtonte
të joshte masën. Gjykuar nga fotot të cilat
botohen lirisht, mund të thuhet që ajo po e
shfaq veten në kuptimin e plotë të fjalës,
me gjithë sensualitetin e saj. Këngëtarja
nuk ngurron të japë performanca të nxehta,
ndërsa të pranishmit i zgurdullojnë
sytë, prandaj thuhet se Zanfina po e kall
publikun të cilët mbushin sallat nëpër vendet
ku ajo këndon. Ndërkohë që statusi i
saj privat tashmë është "busy". Nga burime
të afërta me këngëtaren merret vesh se së
fundi ajo dhe i dashuri i ri, kanë kaluar
ditë të mrekullueshme dimri në Brezovicë,
vend ky tejet i bukur për të kaluar pushime
dimërore.